جمعة العمل و التعمير

هى يمكن جمعة مختلفة شوية عن غيرها من الجمعات لتاكيد المطالب بس فكرتها عجبتنى جدا

https://www.facebook.com/photo.php?fbid=127302357348658&set=a.104541529624741.10223.103477629731131&type=1&theater
جمعة العمل و التعمير ( 3 يونيو )
ــــــــــــــــــــــــــــــــــــــــــــــــــــــــــــ
دعوة لكل المصريين للنزول الجمعة القادمة في كل ميادين مصر لتكون مليونيه في حب مصر
" شوفتوا عملنا كام جمعة من أيام الثورة ؟
جمعة الغضب، والرحيل، والصمود، والجيش، والفتنة الطائفية، والوحدة الفولاذية،
و... و... و...

دعوة لجمعة و مليونية للعمل..
كله يروح شغله يوم الجمعة ويشتغل ببلاش ويخلص الحاجات اللي وراه .. عارفين جمعة زى دي تفرق أد إيه في اقتصاد البلد، وفي روحنا، وتوجهاتنا، وإثبات حقيقي لحبنا لمصر وتكملة صحيحة لثورة 25 يناير مصر

أهم من اى حاجة متفكرش فى نفسك فكر فى بلدك لأن خير البلد هيعود عليك.."
طب واللي معندوش عمل ومبيشتغلش هما دول اللي هيتواجدو في الميادين وهيطالبو بالاشتراك في تعمير مصر وسرعة البدء ي مشاريع تنموية يشترك فيها الشباب لتوفير فرص عمل وزيادة الانتاج


تيجي نخلي الجمعة القادمة جمعة العمل والتعمير؟
انشرها إذا اعجبتك الفكرة



بجد الشعب المصرى محتاج يتعلم قدسية العملو اهميته !!!

اليابان بعد الزلزال الاخير بدأوا يشتغلوا ساعات مضاعفة بلا اجر ..للنهوض بالاقتصاد بعد الخسائر التى الحقها الزلزال بالبلد ...مش مظاهرات فئوية لرفع الاجور...مش قادرين يستحملوا شوية لحد الفترة دى ما تعدى يعنى ...ما كانوا مستحملين بقالهم 30 سنة فى ذل على الاقل دلوقتى بحريتهم و كرامتهم مستحملين !!!...فى ناس معدمة فعلا ما ينفعش تستنى عن كدة و لازم اجرها يرتفع شوية بس المشكلة ان كتير كانوا عايزين بردو رفع اجور.....بس منيين طيب؟؟؟؟

فكرة حلوة جدا يا نور أنا لسه شايفاها علي الفيسبوك و يا ريت تتحقق ... هي مش حاجة مستحيلة والشعب المصري يقدر يعملها لو في إرادة قوية جواه .... ربنا مع الناس اللي هتشتغل واللي هتروح الميدان وفي ناس هتدعي بس ( وهو ده بالظبط اللي أنا هعمله ان شاء الله )

طبعا يا ريم احنا قدها و قدود ......محتاجين بس عزيمة و صبر و ربنا يوفقنا يارب و ننهض بمصر ...!!!
انا بس بيضايقنى الناس اللى مش راضية تصبر...بعد اى ثورة او تغيير فى اى بلد لازم شغل جامد من شعبها و اصرار و عزيمة زززبس عموما احنا لسه 150 يوم عدوا غلى الثورة ...فى امل ان شاء الله ...تفائلوا بالخير تجدوه .!!!

لأ المفروض ان الناس اللي رفضا دي لازم حد يفهمهم عشان مصلحة البلد ولو مش موافقين يبقوا يركنوا عل جنب شوية عشان نحقق التعمير وننهض بالاقتصاد تاني !! ولا إيه ؟؟

بصى يا ريم الحاجات دى بتبقى طبيعية بعد اى ثورة ...و الناس دول للأسف مش حتخلصى منهم بسهولة ...حيفضلوا دلوقتى و بعدين و فى كل وقت اهم حاجة نسبتهم اد ايه من المجتمع ...و ازاى حنتعامل معاهم ...و نكمل المسيرة
!!! ...و ده الفرق بين المجتمعات و بعضها

يا رب نعرف نجتاز الفترة دي علي خير وان شاء الله هيبقي عددهم قليل