نكت حلوة أوي

Reem الإثنين مارس 23, 2009 4:54 pm

مسطول حب يعمل برا ءة اختراع، جاب ضفدعة وقالها "اقفزى" فقفزت فقام بقطع أحد أرجلها الأربعة وقال لها "اقفزى" فقفزت فقام بقطع رجل أخرى وقال لها "اقفزى" فقفزت فقام بقطع الرجل الثالثة وقال لها "اقفزى" فقفزت قفزة صغير فقطع الرجل الأخيرة وقال لها "اقفزى" فلم تقفز فقام بكتابة (ملحوظة : عند قطع أرجل الضفدعة الأربعة، تفقد حاسة السمع)

مسطول اتصل على الخطوط قال كم تستغرق رحلة جدة _ لندن ؟ قاله لحظه ! قال شكرا

اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة

واحد راح يكشف عند الدكتور ،الدكتور بيقولة عندك أية قولة عندي معزة وجوز عيال

مرة واحد صعيدى راح مصرعلشان يشتغل فبعد ما اشتغل بعت
لأهله دستة جاتوه فبعتوله الرد..."هريدى أهلك وناسك
عيسلموا عليك نفر نفر ويجلولك الصابون اللى بعته بيوسخ
الهدوم".

صعيدى أخذ شهادة دكتوراه فقال لزوجته والله ماخبرشى ليه
الناس بيحكوا على الصعايدة أدينى جبت الدكتوراه. فقالت
له زوجته: دق على الخشب لا تصيب حالك بالعين. فدق على
الخشب. فقالت الزوجه مين على الباب؟ فقال الزوج: خليكي
انا هشوف مين

مرة صعيدي طلعله عفريت علاء الدين وقالوا شبيك لبيك
خدامك بين ايديك قاله
عايز كوبري من الصعيد الى نيويورك
قاله مستحيل شوف طلب غيره قاله طيب خلي الصعايدة يفهموا
فكر شوي وقاله عايز الكوبري اتجاه واحد ولا اتجاهين ؟

مرة واحد طيار اسمه هريدى كان فى رحلة و بعدين فجأة المحرك اليمين بتاع الطيارة عطل..

فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق.

بعد شويه الركاب سمعوا كابتن هريدى بيقول:

كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق.

بعد شويه الركاب سمعوا كابتن هريدى بيقول:

كابتن هريدى يحييكم من البراشوت و يتمنى لكم رحلة سعيده

بلدياتنا و امريكى و يابانى عرضوهم على جهاز كشف الكذب

اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..

الامريكى: احنا بنفكر نطلع المريخ و نعمل مستوطنات عليه، راح الجهاز ضربه..

بلدياتنا: إحنا (بنفكر) ولسه مكملش ،،،،،،،،،،راح الجهاز ضربه

مرة كان في واحد بلدياتنا ابنه تعب

وداه للدكتور وبعدين خرج الدكتور وقاله ابنك مات.....

ابنه: بابا انا عايش ما موتش....

بلدياتنا: اسكت انت.. يعنى هتفهم اكتر من الدكتور

مدير مدرسة عمل فرح وزع على المعازيم أرقام جلوس.

مذيعة قابلت اتنين مساطيل فسألت الأول: إيه رأيك في مصر؟ فرد عليها و قال: مصر دي أمي، فسألت الثاني نفس السؤال فرد عليها و قال: مقدرش أتكلم على أم واحد صاحبي.

واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق

لميذ لزميله : هل الهند بعيدة ؟ الزميل : لا .. لا أظن ذلك .. ففي صفنا تلميذ هندي يأتي إلى المدرسة كل صباح على دراجته

اثنين مساطيل واحد قال تصدق بالي مشغول ،
قاله الثاني أكيد السماعه مرفوعه

ثلاثه صقور اتراهنوا على الصيد
راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب
راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال
راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش

ندل ابوه طرده اول ما خرج كتب على سور البيت
هنا مقر قيادة حركة طالبان

مره نكته ماشية بتعيط ليه؟؟ عشان واحد ضحك عليها

غبي دافن نصه في الارض ليه ؟ بيصور فيديوكليب انا عايش ومش عايش

واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع